როგორც მოგეხსენებათ, რამდენიმე კვირის წინ ფიფას დაჯილდოვება გაიმართა, სადაც "ოქროს ბურთის" მფლობელთან ერთად 2011 წლის სიმბოლური გუნდიც შედგა.

აღნიშნულ გუნდში, 4 მადრიდისტა მოხვდა: იკერ კასილიასი, სერხიო რამოსი, ჩაბი ალონსო და კრიშტიანუ რონალდუ, თუმცა გამომდინარე იქედან, რომ ფეხბურთელები ზ/ხსენებულ ცერემონიაზე არ იმყოფებოდნენ, მათ FIFA/FIFPro-ს ჯილდოები დღეს, ვალდებებასის სამწვრთნელ ბაზაზე მიიღეს.

პორტუგალიელმა მეგა-ვარსკვლავმა, ამის შესახებ სოციალური ქსელის საშუალებით აცნობა ქომაგებს და თან ფოტო დაურთო რამოსთან ერთად (მთავარი სურათი).

შეგახსენებთ, რომ FIFA/FIFPro-ს 2011 წლის სიმბოლური გუნდი შემდეგნაირად გამოიყურება: იკერ კასილიასი, დანი ალვეში, ხერარდ პიკე, ნემანია ვიდიჩი, სერხიო რამოსი, ჩაბი ალონსო, ჩავი ერნანდესი, ანდრეს ინიესტა, ლეო მესი, კრიშტიანუ რონალდუ და უეინ რუნი.