სასიხარულოა, რომ სამეფო კლუბში ყოველთვის ირიცხებოდნენ მცველები, რომლებიც გამტანიანობით გამოირჩეოდნენ.აღნიშნულ სტატიაში, მოგითხობთ რამდენიმე "გოლეადორის" შესახებ.

სანჩისი - 40 გოლი
მანუელ სანჩისის დებიუტი სამეფო კლუბში, 1983 წლის 4 დეკემბერს შედგა.ნიშანდობლივია, რომ დაცვითი სტილის ფეხბურთელმა, პირველი დაპირისპირებაში მოახერხა გამარჯვების გოლის გატანა ("მურსია" 0-1 "რეალი" - ავტ.).იქედან მოყოლებული, ესპანელმა 18 სეზონი დაჰყო თეთრი მაისურით და ჯამში 40 გოლი მიითვალა (საშუალოდ 0.05 გოლი თითოეულ მატჩში - ავტ).შედეგიანობის მხრივ, სანჩისი 1987-88 წ.წ. სეზონში გამოირჩა, როდესაც 9 გოლის შეგდება შეძლო.ამასთანავე ის კლუბის ისტორიაში მეორე ფეხბურთელი, ჩატარებული თამაშების მხრივ (710).

კარლოსი - 66 გოლი
ბრაზილიელი მცველმა "რეალის" მაისური 1996 წელს მოირგო, მაშინ "ბლანკოსებს" კაპელო ედგათ სათავეში.რობერტომ პირველი მადრიდული გოლი, დებიუტიდან მესამე შეხვედრაში მიითვალა, როდესაც ყუმბარისებული დარტყმით ამოტენა "ბეტისის" კარში.ესპანეთში გატარებული კარიერის მანძილზე, სამხრეთ ამერიკელმა 512 თამაში და 66 გოლი ჩაიწერა აქტივში (საშუალოდ 0.12 გოლი).ბოლოს, რობერტო კარლოსმა 2006-07 წლების სეზონში აიღო მადრიდელთა მეტოქის კარი.

იერო - 127 გოლი
"რეალის" ლეგენდალური კაპიტანი, ნამდვილად გამოირჩეოდა მეტოქეთა დამწუხრებით.ამ ყველაფერს ხელს უწყობდა ფერნანდოს კარგი დარტყმა, რომლის წყალობითაც მან არაერთი სტანდარტული მდგომარეობა გოლად აქცია.იერომ სამეფო კლუბის რიგებში 601 თამაში და 127 ბურთი მიითვალა (0.21 თითოეულ მატჩში).შედეგიანობის მხრივ გამოსარჩევია 1990-91 წ.წ. სეზონი, როდესაც მალაგელმა დაცვის ბურჯმა, 21 გოლი გაიტანა და მხოლოდ 2 გოლით ჩამორჩა იმ გათამაშების "პიჩიჩის."
ნიშანდობლივია, რომ იერო ესპანეთის ნაკრების ყველა დროის საუკეთესო ბომბარდირებს შორის მესამე პოზიციას იკავებს 29 გოლით.მას მხოლოდ რაული (44) და ვილია (51) უსწრებენ.

პირი - 172 გოლი
ხოსე მარია სანჩესის დებიუტი მადრიდში, "ბარსელონას" წინააღმდეგ შედგა.აღსანიშნავია ის გარემოება, რომ თავიდან ფეხბურთელს შეტევაში ამწესებდნენ, თუმცა ზოკოს წასვლის შემდეგ ის დაცვითი სტილის მოთამაშეთ მოგვევლინა.მისი შედეგი ასე გამოიყურება: 561 თამაში 172 გოლი (0.30).

იმედია, სერხიო რამოსი მსგავს ტემპში გააგრძელებს თამაშს და არაერთი გოლით გაგვახარებს.