ემილიო ბუტრაგენიომ, ტრადიციულად მატჩის შემდგომი კომენტარი გააკეთა, სადაც მან განაცხადა, რომ ქარმა საკმაოდ ცუდად იმოქმედა გამართულ შეხვედრაზე.

"ეს იყო ძალიან მნიშვნელოვანი და საპასუხისმგებლო თამაში ჩვენთვის. შესაბამისად, ყველა გახარებულია იმით, რომ ჩვენ მოვახერხეთ საკმაოდ დამაჯერებლად და ლაღად გამარჯვების მოპოვება. ცხადია, ქარმა შეხვედრაზეც და ფეხბურთელებზეც უარყოფითად იმოქმედა, თუმცა "რეალის" მოთამაშეები ნებისმიერ გარემო პირობებთან კარგად არიან ადაპტირებულნი".

"ჩვენთვის მთავარია 7 ქულიანი ჰანდიკაპი შევინარჩუნოთ ან გავზარდოთ. რასაკვირველია, ეს ადვილი არ იქნება, მაგრამ ჟოზე მოურინიოსთვის შეუძლებელი არაფერია. ხელმძღვანელები მისი მოღვაწეობით კმაყოფილნი ვართ და ამის მიხედვით, პორტუგალიელი უახლოეს მომავალში არ დატოვებს კლუბს. აღსანიშნავია ისიც, რომ მას ძალიან უყვარს "ბლანკოსი" და აქ თავს ბედნიერად გრძნობს".

Realmadrid.com