მადრიდის "რეალისა" და პორტუგალიის ნაკრების ნახევარმცველი კრისტიანო რონალდო მზადაა ითამაშოს უნგრეთის ნაკრების წინააღმდეგ.

კარგი ინფორმაცია "რეალისა" და პორტუგალიის ნაკრების ფანებისთვის – კრისტიანო რონალდო მზადაა სათამაშოდ. ამას მოწმობს ნაკრებში გამართული ვარჯიში, სადაც კრისტიანო შესანიშნავად გრძნობდა თავს.

შეგახსენებთ, რომ რონალდომ "მარსელთან" მიიღო ტრავმა და გამოტოვა ლა ლიგის მნიშვნელოვანი მატჩი "სევილიას" წინააღმდეგ, სადაც მადრიდელები დამარცხდნენ. თავიდან ჩანდა, რომ ფეხბურთელი 3–4 კვირა ვერ შეძლებდა თამაშს, მაგრამ ის უკვე მზადაა სათამაშოდ. მას მოუწევს თამაში უნგრეთის ნაკრების წინააღმდეგ. ამ შეხვედრაში კეირუშის შეგირდებს მხოლოდ გამარჯვება სჭირდებათ. სხვა შემთხვევაში ისინი ვერ მოხვდებიან სამხრეთ აფრიკის 2010 წლის მსოფლიო ჩემპიონატზე.


ინფორმაციის წყარო: Goal.com