სამეფო კლუბის ესპანელმა ნახევარმცველმა, ესტებან გრანერომ გუნდის ოფიციალურ სპონსორს ინტერვიუ მისცა.

"წინ ურთულესი შეხვედრები გველის და დამერწმუნეთ ჩემპიონობა ჯერ არ გვაქვს განაღდებული, 7 ქულიანი უპირატესობა ისეთ გუნდთან, როგორიც ბარსელონაა რა თქმა უნდა ძალიან კარგია, მაგრამ ყველა შეხვედრას ისე უნდა მივუდგეთ როგორც ფინალს და წარმატებას მხოლოდ ამ შემთხვევაში მივაღწევთ."

"ხეტაფესთან დაპირისპირება ერთ-ერთი ფინალი იქნება, რომელშიც აუცილებლად უნდა გავიმარჯვოთ და მორიგი 3 ქულა ჩავიწეროთ აქტივში."

"ხეტაფეში ვირიცხებოდი და ვიცი ისინი საკუთარ სტადიონზე როგორი მონდომებით თამაშობენ, საერთოდ სამეფო კლუბთან თამაშისთვის ყველა განსაკუთრებით ემზადება და გამონაკლისი რა თქმა უნდა არც ჩვენი თანაქალაქელი კოლექტივია. 100%-ით უნდა დავიხარჯოთ და თავიდანვე უპირატესობა მოვიპოვოთ."

"ეს გუნდი ჩემთვის ყოველთვის ძალიან მნიშვნელოვანია, რადგან აქ გავიზარდე და ჩამოვყალიბდი ფეხბურთელად, ჩემთვის "რეალი" სიცოცხლის ნაწილის. ბედნიერი ვარ, რომ უწინდელთან შედარებით მეტი სათამაშო დრო მეძლევა და მწვრთნელი უფრო დიდი დროის მანძილზე მტოვებს მინდორზე, ეს ჩემთვის დიდი პატივი და სიძლიერის მომცემია."

"მოურინიოს დამოკიდებულება საკუთარი საქმის მიმართ მაოცებს, ჟოზე არის ადამიანი, რომელიც თითოეული შეგირდისგან მაქსიმუმს ითხოვს და აღწევს კიდეც, დამერწმუნეთ მთავარ მწვრთნელს თითოეულ მოთამაშესთან ინდივიდუალური და განსხვავებული ურთიერთობა აქვს, მისგან ბევრი რამის სწავლა შეიძლება, ჟოზე მართლაც რომ გენიალური დამრიგებელი და მასწავლებელია, მე მას უდიდეს პატივს ვცემ."

"თამაშს მხოლოდ ტაქტიკურად არ უნდა მიუდგე, მთავარია როგორი მორალი გექნება, თუ გინდა წარმატებას მიაღწიო. უნდა იყო გაწონასწორებული და ფსიქიურად ძლიერი