გამოცემა "ასის" ჟურნალისტმა საკმაოდ საინტერესო პოსტი შემოგვთავაზა.

კერძოდ, პრიმერა დივიზიონის ფარგლებში სამეფო კლუბს 40 დღე მადრიდიდან გასვლა არ მოუწევს.ამ პერიოდის განმავლობაში, "თეთრები" 5 მატჩს ჩაატარებენ.აქედან 3 "ბერნაბეუზე" შედგება (12 თებერვალი - "ლევანტე," 19 თებერვალი - "რასინგი," 4 მარტი - "ესპანიოლი"), ხოლო ორიც თანაქალაქელ მეტოქესთან (5 თებერვალი - "ხეტაფე" & 26 თებერვალი "რაიო ვალეკანო").სწორედ ამის წყალობით, თუ არ ჩავთვლით ჩემპიონთა ლიგის შეხვედრას მოსკოვში, მოურინიოს შეგირდები ესპანეთის დედაქალაქის ირგვლივ იმოძრავებენ 40 დღის განმავლობაში.მათ მშობლიური ქალაქის დატოვება მხოლოდ 11 მარტს მოუწევთ ("ბეტისთან" სტუმრობა).

კალენდარისა და მოგზაოურობის მხრივ, "ბლანკოსთან" შედარებით რთული სიტუაცია აქვთ "კულეებს."ისინი ვალენსიას, პამპლონას, ლევერკუზენს, მადრიდს და სანტანდერს უნდა ესტუმრნონ ორმოცი დღის განმავლობაში.

შეიძლება ვინმეს არაფრად მიაჩნდეს ეს დეტალები, მაგრამ ვფიქრობ, რომ მოუს ბიჭებისთვის მსგავსი გრაფიკი კარგი საშუალებაა 7 ქულიანი ჰანდიკაპის შენარჩუნებისა ან უფრო გაზრდისა.