მოგეხსენებათ, რაულ ალბიოლთან დაკავშირებით დიდი აჟიოტაჟია ატეხილი, პრესაში ბევრი ინფორმაცია იწერება, მაგრამ ყველაფერი რა თქმა უნდა არ შეესაბამება სიმართლეს, მაგრამ ესპანელი მოთამაშე, რომ სათამაშო პრაქტიკას ძალიან მოკლებულია ეს ცხადზე ცხადია...

დღეს გავრცელებული ინფორმაციით ზაფხულის სატრასნფერო ფანჯრის დროს რაული აუცილებლად დატოვებს დედაქალაქს და სხვა ქვეყანაში წავა სათამაშოდ, რადგან მან ერთ-ერთ ინტერვიუში განაცხადა, რომ ჩემპიონატის შეცვლა სურს და პრიმერა მისთვის აღარ არის პრიორიტეტული.

Daily Mail-ზე დაყრდნობით სამეფო კლუბის მცველის შეძენით "ლივერპული" ინტერესდება და მადრიდელებთან ინტენსიური მოლაპარაკებების გამართვას გეგმავს. თანხა არ სახელდება, მაგრამ მისი ფასი სავარაუდოდ 12-15 მილიონი ევრო იქნება, თუ მერსისაიდელები ამ თანხას არ გადაიხდიან, მაშინ მათ კონკურენციას იტალიური "იუვენტუსი" გაუწევს.

ყველაფერი მეორე წრის მიხედვით გადაწყდება, თუკი ალბიოლი მოედანზე უფრო ხშირად გავა და კმაყოფილი დარჩება, შესაძლოა მან სხვა გუნდის მაისური არ მოირგოს, მაგრამ როგორც ჩანს მოურინიოს მასზე გული აქვს აცრუებული და დაცვის ცენტრში მის გარდა ყველა შეგირდს აძლევს ასპარეზობის საშუალებას.