მიმდინარე სეზონში, სულ 6–ჯერ დაფიქსირდა ისეთი შეხვედრა, როცა მადრიდის "რეალმა" პირველი არ გაიტანა გოლი, თუმცა მაინც მოიგო. ამის გაკეთება ადვილი ნამდვილად არ არის, თუმცა დასაფასებელია "მერენგთა" თავდადება და შრომა, რათა მათ ამ მატჩებში სასურველი შედეგი, ანუ სამი ქულა მიიღეს.

აღნიშნული ფაქტი, პირველად 25 ოქტომბერს დაფიქსირდა, როცა "რაიო ვალეკანომ", კერძოდ მიჩუმ პირველმა გაიტანა გოლი მადრიდელთა კარში. ალბათ, ეს მატჩი ყველას კარგად ახსოვს. "ლოს ბლანკოსმა" ის დაპირისპირება გამანადგურებელი სხვაობით, ანგარიშით 2–6 მოიგო. შემდეგი შემთხვევა "ატლეტიკოსთან" დაფიქსირდა. თანაქალაქელებმა, პირველებმა შესძლეს ანგარიშის გახსნა, თუმცა ის მატჩი 4–1 "თეთრების" სასარგებლოდ დასრულდა. ასეთი შემთხვევა, კიდევ სამჯერ და ჯამში ექვსჯერ დაფიქსირდა განვლილ 19 მატჩში. ცხადია, ეს საკმაოდ საამაყო და დასაფასებელი მაჩვენებელია.