პრიმერა დივიზიონში გამართულმა მე-20 ტურმა, კოეფიციენტების მხრივ სიტუაცია შეცვალა ბუქმეიქერულ კანტორებში.

თუ სეზონის დასაწყისში "ბარსელონას" 1.50 ჰქონდა ლა ლიგის მოგებაზე, ახლა მისი შანსები 3.40 კოეფიციენტში აისახა, ხოლო რაც შეეხება "რეალს," მადრიდელების ე.წ კუში, 2.50-დან 1.30-მდე ჩამოვარდა, რაც რა თქმა უნდა, 7 ქულიანმა ჰანდიკაპმა განაპირობა.

მიუხედავად მოურინიოს განცხადებებისა, "შვიდი ქულა არაფრის მთქმელია," ან ვალდესის აღნიშვნა, რომ "ბარსა ბოლომდე იბრძოლებს," მსოფლიოს ტოტალიზატორებში მადრიდელები გაფავორიტდნენ.ალბათ, დაბალ კოეფიციენტს იმანაც შეუწყო ხელი, რომ "თეთრებმა" ისტორიის განმავლობაში მხოლოდ ერთხელ გაანიავეს მსგავსი სხვაობა (მაშინ 8 ქულა იყო - ავტ.), კარლოს კეირუშის დროს.

მოკლედ, ყველაფერი "რეალის" ხელთაა.მთავარი მოურინიოსა და მისი შეგირდების მონდომება.