მადრიდის "რეალის" საკალათბურთო გუნდმა მორიგი გამარჯვება ჩაიწერა აქტივში. პაბლო ლასოს მსხვერპლი, ამჯერად "ფუენლაბრადა" აღმოჩნდა. დედაქალაქელებმა საკმაოდ დამაჯერებელი სხვაობით, ანგარიშით 57–79 სძლიეს მეტოქეს. აღსანიშნავია, რომ "თეთრებმა" ეს გასვლით მატჩში მოახერხეს.

"სამეფო" კლუბმა "კოპა დელ რეიზე" მორიგი გამარჯვება მოიპოვა და შემდეგ ეტაპზე გასვლა გაინაღდა. "ფუენალაბრადა" ძალიან უსუსურად გამოიყურებოდა, რამაც შედეგზე ზეგავლენა მოახდინა. მადრიდელთაგან საუკეთესო ქეროლი იყო, რომელმაც 12 ქულა შესძინა გუნდს, ხოლო მეტოქე გუნდიდან ლავინამ და ჰალმა მოახერხეს 10–10 ქულის ჩაწერა აქტივში.