მადრიდის "რეალის" გარემარბი, კრიშტიანუ რონალდუ "პრიმერას" ბომბარდირთა დავაში დაწინაურდა. ახლა, არგენტინელსა და პორტუგალიელს შორის სხვაობა ორბურთიანია, რაც საკმაოდ დიდი ჰანდიკაპია. შეგახსენებთ, რომ გუშინ 7–მა ნომერმა "სარაგოსასთან" შეაგდო, ხოლო მესიმ "ვილიარეალთან" ვერ გაიტანა.

კრიშტიანუ რონალდუ კვლავ ბომბარდირთა დავას ლიდერობს, თუმცა ამჯერად ეს უფრო დამაჯერებელია, ვიდრე აქამდე იყო. მის ანგარიშზე 24 გატანილი გოლია და უკან მყოფ ლიონელ მესის ორი ბურთით უსწრებს. აქვე გეტყვით, რომ მესამე–მეოთხე პოზიციებს გონსალო იგუაინი და რადამელ ფალკაო 14–14 გოლით ინაწილებენ. მეხუთე ადგილზე რობერტო სოლდადო იმყოფება, რომელსაც 12 გატანილი ბურთი დაუგროვდა.