როგორც მოგეხსენებათ, გუშინ "პრიმერა დივიზიონის" მეოცე ტურის რამდენიმე მატჩი გაიმართა. თავიანთი შეხვედრები მადრიდის "რეალმა" და კატალონიის "ბარსელონამაც" გამართეს. დედაქალაქელებმა დამაჯერებლად იმარჯვეს, რაც არ ითქმის "ლურჯ–ბროწეულისფრებზე". ნიშანდობლივია, რომ მათ შორის ჰანდიკაპი 7 ქულამდე გაიზარდა და შესაბამისად, "ბლანკოსმა" უდიდესი უპირატესობა იგდო ხელთ.

28 იანვარი – გამართული მატჩები:

ესპანიოლი 1–0 მალიორკა
რაიო ვალეკანო 2–3 ატლეტიკ ბილბაო
მადრიდის რეალი 3–1 სარაგოსა
ვილიარეალი 0–0 ბარსელონა
ბეტისი 1–2 გრანადა

29 იანვარი – გასამართი მატჩები:

რეალ სოსიედადი – ხიხონი
ლევანტე – ხეტაფე
რასინგი – ვალენსია
მალაგა – სევილია
ოსასუნა – ატლეტიკო

ამჟამად, სატურნირო ცხრილს მადრიდის "რეალი" ლიდერობს 52 ქულით და მეორეადგილოსან "ბარსელონას" 7 ქულით უსწრებს. მესამე ადგილზე "ვალენსია" იმყოფება, ხოლო მეოთხე პოზიციას "ლევანტე" იკავებს. ბოლო ადგილზე კვლავინდებურად "სარაგოსა" იმყოფება.

Gola.com