მადრიდის "რეალის" ესპანელმა მცველმა სერხიო რამოსმა, "თვითერის" საშუალებით განაცხადა, რომ გასახდელში უთანხმოებას ადგილი არ აქვს.

"ის ვინც ამბობს, რომ გუნდი დაყოფილია და არსებობს უთანხმოება მწვრთნელსა და ფეხბურთელებს შორის, ტყუის.ჩვენ ერთიანი კოლექტივი გვყავს და ერთად ვცდილობთ მივაღწიოთ დიდ წარმატებას" - დასძინა ანდალუსიელმა სოციალურ ქსელზე.

შეგახსენებთ, რომ "ატლეტიკთან" მატჩამდმე, "მარკაზე" გამოქვეყნდა წერილი, რომელიც თითქოსდა ასახავდა ვარჯიშზე მომხდარ ინციდენტს, სერხიოსა და მოურინიოს შორის.

ცნობისთვის, რამოსმა გუნდის ბოლო სავარჯიშო სესია გამოტოვა.ოფიიალურ საიტზე ამის მიზეზად, პირადი პრობლემა სახელდება.