მადრიდის "რეალის" არგენტინელი ფორვარდი, გონსალო იგუაინი, რომელმაც გუშინდელ გამარჯვებაში საკუთარი გოლით დიდი წვლილი შეიტანა , შესანიშნავ შედეგებს აჩვენებს...

პიპიტა ძირითადი შემადგენლობის ფეხბურთელად აღარ ითვლება, იგი კარიმ ბენზემამ დაჯაბნა და უფრო ხშირად სწორედ ფრანგს ვხედავთ სასტარტო შემადგენლობაში, მაგრამ როგორც კი არგენტინელს თამაშის საშუალება ეძლევა იგი მაშინვე იწყებს გოლების გატანას.

ამ სეზონში გონსალომ 840 წუთი დაჰყო მოედანზე და 14 გოლის გატანა მოახერხა ლა ლიგის ეგიდით გამართულ შეხვედრებში, საშუალოდ იგი ყოველ 60 წუთში ერთხელ იტანს, რაც ნამდვილად კარგი შედეგია.

არგენტინელი ფორვარდი უკვე დიდი ხანია სამეფო კლუბში ირიცხება, მისი საუკეთესო სეზონი 2009-10 წლებში იყო, როდესაც გონსალოს ანგარიშზე 32 მატჩში 27 გოლი დაფიქსირდა.