გრანერო ზაფხულამდე არსად წავა
მოგეხსენებათ, მადრიდის "რეალის" ესპანელი ნახევარმცველი, ესტებან გრანერო უკვე რამდენიმე თვეა ახალ კლუბს ეძებს, რადგან მას ძალიან მოაკლდა სათამაშო პრაქტიკა, ახალგაზრდა ფეხბურთელი ფაქტიურად მთელ სეზონს სათადარიგოთა სკამზე ატარებს და მინდორზე იშვიათად ჩნდება...
გავრცელებული ინფორმაციით "ბლანკოსის" მთავარი მწვრთნელი ჟოზე მოურინიო საკუთარ შეგირდს ცალკე შეხვდა და გაესაუბრა, პორტუგალიელმა სპეციალისტმა "ელ პირატი" დაარწმუნა, რომ სეზონის მეორე ნახევარში სჭირდება და მან საკუთარი მშობლიური გუნდი არ უნდა დატოვოს.
ესტებანის შეძენით ყველაზე მეტად მანუელ პელეგრინი ინტერესდება, რომელიც ამჟამად მალაგას უდგას სათავეში. ნახევარმცველი მადრიდული კარიერის პიკი სწორედ ჩილელი სპეციალისტის დროს იყო, მაშინ გრანერო ძალიან ხშირად ხვდებოს "ბლანკოსის" სასტარტოში და საკმაოდ შედეგიანადაც თამაშობდა.
როგორც ჩანს, მოურინიომ გრანერო დაარწმუნა და იგი გუნდს იანვრის სატრანსფერო ფანჯრის დროს არ დატოვებს, ზაფხულში კი სიტუაციას შეაფასებს და გადაწყვეტილებას იქიდან გამომდინარე მიიღებს.
- 13 იანვარი 2012
- 1 783
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
