გრანერო რეალს იჯარის წესით დატოვებს
მადრიდის რეალის ნახევარმცველი ესტებან გრანეროს იშვიათად ეძლევა თამაშის საშუალება, სწორედ ამ მიზეზის გამო კლუბმა გადაწყვიტა მისი იჯარით გაშვება.
ესპანელი ნახევარმცველის მიმართ დიდ ინტერესს ლონდონის არსენალი და მალაგა გამოხატავენ. ორივე გუნდს "პირატის" შეძენა სურს. მადრიდის რეალის ხელმძღვანელობა კი აცხადებს, რომ გრანერო არ იყიდება და მას მხოლოდ იჯარით გაუშვებენ.
ტრანსფერის განხორციელებით ყველაზე მეტად მანუელ პელეგრინი არის დაინტერესებული, რომელიც გრანეროსთან 2009-10 წლების სეზონში მუშაობდა, მაშინ ის მადრიდის რეალის მწვრთნელი იყო, ესტებანი კი მისი თხოვნით შეიძინა გუნდმა.
ზაფხულში მალაგას მწვრთნელმა რამდენჯერმე მიმართა თეთრებს ამ ტრანსფერის თაობაზე, თუმცა ყოველი მცდელობა უარყოფილი იქნა, ახლა კი ჩილელი სპეციალისტი მზად არის ფეხბურთელის იჯარას დათანხმდეს.
- 11 იანვარი 2012
- 2 253
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
