მადრიდის "რეალის" გენერალურმა დირექტორმა, ხორხე ვალდანომ, "Ferrandiz Foundation"-ის შეკრებაზე სიტყვის გამოსვლის დროს გაანალიზა სამეფო გუნდის ამჟამინდელი ვითარება.

"ეს ჩემი მეხუთე ერაა სამეფო გუნდში.ამ კლუბმა კარგად იცის თუ როგორ მოერგოს სხვადასხვა დროს.არ უნდა დაგვავიწყდეს ის ადამიანი, რომელიც 50 წლის განმავლობაში ედგა გუნდს სათავეში და თავისი ფილოსოფიით მიჰყავდა გუნდი."

"მინდა გითხრათ, რომ გუნდი ისეთი სანდო ადამიანის ხელშია, როგორიცაა პელეგრინი.ის ყველაფერს გააკეთებს, რათა მადრიდმა საბოლოოდ დიდ წარმატებას მიაღწიოს.ვგონებ, 18-დან 15 ქულის აღება ცუდი შედეგი ნამდვილად არ არის ჩემპიონატის სტარტზე.არ შემიძლია არ გამოვყო კასილასის თამაში, რომელიც მხოლოდ და მხოლოდ ქებას იმსახურებს."

"რონალდო მნიშნელოვანი ფეხბურთელია, მაგრამ მისი დანაკლისი იმას არ ნიშნავს, რომ გუნდი კარგად ვერ ითამაშებს."რეალი" ყოველთვის გუნდურ ფეხბურთს თამაშობდა."

"კარგი სტარტი გვაქვს ჩემპიონთა ლიგაზეც.ვგონებ, გუნდმა ამავე ტემპში უნდა გააგრძელოს მუშაობა და ყველაფერი კარგად იქნება."