"კასტილიამ" მატჩი ბრწყინვალედ დაიწყო და მადრიდელები მეთხუთმეტე წუთისთვის ხუანფრანისა და ხოსელუს გოლების წყალობით უკვე 2–0–ს იგებდა. თუმცა ყოველგვარი უბედურება "თეთრებს" წინ ელოდათ. 20–ე წუთზე მსაჯმა მოედნიდან პედრო მენდეში საკმაოდ საკამათო სიტუაციაში გააძევა და თერთმეტმეტრიანიც დანიშნა, თუმცა ახალგაზრდა ისააკმა პენალტის მოგერიება შეძლო. ტაიმის მიწურულს მასპინძლებმა მაინც შეძლეს ერთი ბურთის გაქვითვა. მეორე ნახევარში "კასტილიიდან" კიდევ ერთი მოთამაშე გააძევეს მოედნიდან, ამჯერად პაბლო გილი, თუმცა გუნდმა ანგარიშის შენარჩნება მოახერხა. ამ გამარჯვების შემდეგ "კასტილია" კვლავ ერთპიროვნულად ლიდერობს "სეგუნდა ბ"–ს...