"მალაგას" ჰოლანდიელმა ფორვარდმა, რუუდ ვან ნისტელროიმ, რომელიც წლების მანძილზე სამეფო კლუბის მთავარ დამრტყმელ ძალად ითვლებოდა ჟურნალისტებს ინტერვიუ მისცა და განაცხადა, რომ გახარებულია ბერნაბეუზე დაბრუნებით და გულშემატკივართა ოვაციებით...

"ჩვენ წავაგეთ ისეთი თამაში, რომლის მოგებაც შეგვეძლო, მაგრამ სამწუხაროდ 2 ბურთიანი სხვაობა ვერ შევინარჩუნეთ. მიუხედავად ამისა ძალიან ბედნიერი ვარ, რადგან ბერნაბეუზე შეკრებილი ინჩადა ბრწყინვალედ შემხვდა და ტაში დამიკრა, ეს გრძნობა ჩემთვის აუწერელი იყო, ინჩასები პატივს მცემენ და ჩემ მიერ გაწეულ სამუშაოს აფასებენ, მათ ძალიან კარგად იციან, რომ "ბლანკოსს" უდიდეს პატივს ვცემ."

"დედაქალაქურ კლუბში თამაშის წლები არასდროს დამავიწყდება, რადგან ეს ბრწყინვალე ეპოქა იყო. დარწმუნებული ვარ კიდევ მოვახერხებ სანტიაგო ბერნაბეუს სახელობის სტადიონზე ასპარეზობას და მადრიდელ გულშემატკივრებთან შეხვედრას."