გუშინ გაიმართა მორიგი "ელ კლასიკო", რომელსაც "პალასიოსის" არენამ უმასპინძლა. საქმე ეხება მადრიდის "რეალსა" და კატალონიის "ბარსელონას" შორის მატჩს. ფავორიტად ექსპერტები "ლურჯ-წითლებს" მიიჩნევდნენ, თუმცა მათი პროგნოზები არ გამართლდა და შესაბამისად, დედაქალაქელებმა მნიშვნელოვანი გამარჯვება ჩაიწერეს აქტივში.

შეხვედრა საკმაოდ დაძაბული და მრავალმხრივი იყო, რაც საბოლოო შედეგზეც აისახა. მადრიდელებმა მატჩის ოთხ შუალედში დაჯაბნეს მეტოქე გუნდის მოთამაშეები და 78-74 იმარჯვეს. მატჩის საუკეთესო კალათბურთელად მიროტიჩი და ქეროლი დასახელდნენ. ორივე მათგანის ანგარიშზე 16-16 მოპოვებული ქულაა. ამ მაჩვენებლით, "ლეგალ ბარსელონიდან" ყველაზე შედეგიანი მიჩელი იყო, რომლის ანგარიშზეც 14 მოპოვებული ქულაა.



ნიშანდობლივია, რომ მატჩის გამარჯვებული ბოლო წუთამდე უცნობი იყო. სწორედ ამ პერიოდში, "თეთრებმა", კერძოდ მარტინესმა უმნიშვნელოვანესი ტყორცნა განახორციელა და შეხვედრის ბედი გადაწყვიტა. ამ გამარჯვებს შედეგად, პაბლო ლასოს შეგირდები ACB-ის გათამაშებას ლიდერობენ.

საინტერესოა ისიც, რომ გამართულ მატჩს ესპანეთის პრემიერ-მინისტრი, რაფაელ ნადალი, კრიშტიანუ რონალდუ და მისი საცოლე ირინა შეიკი ესწრებოდნენ.



ინფორმაციის წყარო: Realmadrid.com