მადრიდის რეალი აკვირდება 22 წლის მარკო როისს, სამეფო კლუბს ახალგაზრდა გერმანელის "გათეთრება" 2012 წლის ზაფხულისათვის აქვთ დაგეგმილი.

თუ გამომცემლობა AS-ს დავუჯერებთ მადრიდელები ზაფხულში 2 ახალგაზრდა გერმანელი ფეხბურთელის: როისისა და გიოცეს შეძენას გეგმავს. მარკოს კონტრაქტის გამოსყიდვა თეთრებს 17.5 მილიონი ევრო დაუჯდება. როისმა მიმდინარე სეზონში 17 მატჩში მიიღო მონაწილეობა და 13 გოლის გატანა მოახერხა.

მოურინიო აქტიურად რომ აკვირდება გერმანულ ფეხბურთს, საიდუმლო არავისთვის არის. მან პირველივე წელს ბუნდესლიგიდან გადმოიყვანა ოზილი და ხედირა, შემდეგ სეზონში კი ალტინტოპი და შაჰინი. ასე რომ გამორიცხული არაფერია.