როგორც მოგეხსენებათ, მადრიდის "რეალმა" 2011 წელს შესანიშნავად იასპარეზა, რამაც მიმდინარე სეზონის ზამთრის ჩემპიონობა განაპირობა "პრიმერაში". ცხადია, ზამთრის ჩემპიონობა არაფრის მომტანია, რაც არ ითქმის მაისის პირველობაზე. აღსანიშნავია, რომ გუნდთან ერთად, ფეხბურთელებიც ლიდერები არიან პერსნოალურ რეიტინგებში, კერძოდ კი საგოლე გადაცემებისა და გატანილი გოლების რაოდენობაში. რასაკვირველია, ამ ყველაფერი ნაგულისხმები არიან კრიშტიანუ რონალდუ და ანხელ დი მარია.

კრიშტიანუ რონალდუ მიმდინარე წელს შესანიშნავ ფორმაშია, რაც მის ნაჩვენებ შედეგზეც აისახება. როგორც იცით, გასულ წელს რონალდუმ "პიჩიჩი" მოიპოვა და უგო სანჩესის რეკორდიც დაამხო. 38 მატჩში 40 გოლი, ეს უბრალოდ ფანტასტიკაა. უნდა აღინიშნოს, რომ პორტუგალიელმა ამ ტემპით თუ განაგრძო ბურთების შეგდება, მაშინ ის გაცილებით მეტ გოლს გაიტანს საერთო ჯამში და შესაბამისად, გააუმჯობესებს თავის მიერ დამყარებულ რეკორდსაც. ამ დროისთვის, მადრიდელთა 7 ნომრის ანგარიშზე 20 გატანილი გოლია, ხოლო მისი მდევრის, ლეო მესის მონაპოვარი 17 არ აღემატება.

საუკეთესო გოლეადორთა ათეული:

კრიშტიანუ რონალდუ, მადრიდის "რეალი" – 20 გოლი
ლიონელ მესი, "ბარსელონა" – 17 გოლი
გონსალო იგუაინი, მადრიდის "რეალი" – 12 გოლი
რობერტო სოლდადო, "ვალენსია" – 11 გოლი
რადამელ ფალკაო, მადრიდის "ატლეტიკო" – 9 გოლი
სესკ ფაბრეგასი, "ბარსელონა" – 8 გოლი
ქარიმ ბენზემა, მადრიდის "რეალი" – 8 გოლი
დავიდ ბარალი, "ხიხონი" – 7 გოლი
ხუანლუ, "ლევანტე" – 6 გოლი
ფერნანდო ლორიენტე, "ბილბაო" – 6 გოლი

მადრიდის "რეალის" კიდევ ერთი ფებხბურთელის გამორჩევა შეიძლება. ცხადია, საქმე ანხელ ფაბიან დი მარიას ეხება, რომელიც წელს მართლაც განუმეორებელია "სამეფო" კლუბისთვის. იგი გენიალურ პასებს აკეთებს და ატანინებს გოლებს თავის პარტნიორებს. არგენტინელმა უკანასკნელად ეს "სევილიასთან" მატჩში შესძლო, სადაც ანხელმა 2 საგოლე გადაცემა და 1 გოლი ჩაიწერა აქტივში. რონალდუსგან განსხვავებით, დი მარიას ასისტენტთა გრაფაში სერიოზული კონკურენტი არ ჰყავს.

საუკეთესო ასისტენტთა ათეული:

ანხელ დი მარია, მადრიდის "რეალი" – 13 ასისტი
ლიონელ მესი, "ბარსელონა" – 7 ასისტი
კრიშტიანუ რონალდუ, მადრიდის "რეალი" – 6 ასისტი
დანი ალვეში, "ბარსელონა" – 6 ასისტი
ჩავი, "ბარსელონა" – 5 ასისტი
ფაბრეგასი, "ბარსელონა" – 5 ასისტი
გარსია, "ოსასუნა" – 5 ასისტი
მესუთ იოზილი, მადრიდის "რეალი" – 5 ასისტი
არდა ტურანი, მადრიდის "ატლეტიკო" – 5 ასისტი
ხოსე ბარკერო, "ლევანტე" – 4 ასისტი

Sport.es