როგორც იცით, კრიშტიანო რონალდომ "სევილიასთან" ჰეტ–ტრიკი შეასრულა, ამით მას "ლა ლიგაში" 20 გოლი დაუგროვდა და ჩემპიონატის ბომბარდირთა სიის თავში მოექცა. გარდა ამისა, პორტუგალიელისთვის გატანილი პენალტი რიგით მეთერთმეტე გოლი აღმოჩნდა გასვლით მატჩებში. ამით იგი საუკეთესოა "პრიმერაში". ამჟამად კრიშტიანოს ანგარიშზე 3 ჰეტ–ტრიკია გასვლით შეხვედრებში.

ამ მხრივ მეორე ადგილს კიდევ ერთი მადრიდისტა იკავებს, საუბარია გონსალო იგუაინზე. პიპიტამ გასვლით შეხვედრებში ხუთჯერ შეძლო მეტოქის კარის აღება. სამეფო კლუბის გოლეადორებს 4–4 გოლით ბარალი, ხუანლუ, ჰემედი, ფაბრეგასი და აგირეჩე მოჰყვებიან.