ლეგენდარულმა არგენტინელმა ფორვარდმა, გაბრიელ ბატისტუტამ ჟურნალისტებთან საუბრისას განაცხადა, რომ წელს მსოფლიოს საუკეთესო ფეხბურთელი არც ლიონელ მესია და არც კრიშტიანო რონალდო, ამ ჯილდოს ესპანეთის ნაკრებისა და კატალონიის ბარსელონას ნახევარმცველი, ხავი ერნანდესი იმსახურებს...

"დარწმუნებით შემიძლია გითხრათ, რომ მსოფლიოს საუკეთესო მოთამაშის ტიტულს ხავი იმსახურებს, მისი მოედნის ხედვა, თავდაჯერებულობა და პასის სიზუსტე აღმოფრთოვანებელია, მისთვის მთავარი გუნდური სულისკვეთებაა, კატალონიური გიგანტი მის გარეშე ვერ იქნება მოწოდების სიმაღლეზე."

"კრიშტიანო რონალდო და ლიონელ მესი ბრწყინვალე ფეხბურთს თამაშობენ, მაგრამ ორივეს ახასიათებს ინდივიდუალიზმი, პორტუგალიელი მოთამაშე სტანდარტებს შესანიშნავად იყენებს, მისი ტექნიკის დემონსტრირების ხილვა რა თქმა უნდა ძალიან სასიამოვნოა, მაგრამ ეს არ არის საკმარისი საუკეთესოობისთვის, იგივე შემიძლია ვთქვა ლიონელზე, არგენტინელი მოთამაშე ჩემი თანამემამულეა და მისი წარმატებით დიდად კმაყოფილი ვარ, მაგრამ ამ ეტაპზე საუკეთესოობას არა ის, არამედ ერნანდესი იმსახურებს."