მიუხედავად იმისა, რომ ფერნანდეს ბორბალანს 14 წლიანი სამსაჯო ისტორია აქვს, პრიმერა დივიზიონის ეგიდით გამართულ "ელ კლასიკოზე," პირველად მოუწევს მსაჯობა.

საერთო ჯამში, ალმერიელმა არბიტრმა "რეალის" 19 მატჩი განსაჯა, საიდანაც 10 მადრიდელების გამარჯვებით დასრულდა, 6 ყაიმით, ხოლო 3 მარცხით.ამ მხრივ უპირატესობა აქვთ კატალონიელებს, მათ ბორბალანის მსაჯობით, 13-ჯერ მოიგეს, ხოლო 3-ჯერ წაგება იწვნიეს.

აღსანიშნავია, რომ ფერნანდესს მიმდინარე სეზონში "რასინგისა" და "რეალის" მატჩს უძღვებოდა და ერთ-ერთ ეპიზოდში, რონალდუს არ დაუდო აშკარა პენალტი.ანალოგიურად მოიქცა ის "დეპორტივოსთან" შეხვედრაშიც, სადაც ბენზემას წინააღმდეგ აშკარა თამაშდარღვევაზე დახუჭა თვალი.

იმედია, "ელ კლასიკოს" ობიექტურად იმსაჯებს.