მადრიდის "რეალი" ამ უნიკალურ შედეგთან სულ ახლოსაა. კლუბის არსებობის ისტორიაში ეს არასდროს მომხდარა. მადრიდისტებმა აქამდე 5 ჩატარებული შეხვედრიდან ხუთივე მოიგეს და 16 გოლის გატანაც შეძლეს, საკუთარ კარში კი მხოლოდ 2 ბურთი მიიღეს. აღსანიშნავია, რომ ჩემპიონთა ლიგის ისტორიაში ჯგუფურ ეტაპზე ექვსივე შეხვედრა, აქამდე მხოლოდ 3 გუნდს აქვს მოგებული. 1992-1993 წლების სეზონში ეს "მილანმა" მოახერხა, 1994-1995-ში "პსჟ"-მ, ხოლო 2002-2003 წლებში "ბარსელონამ". გარდა ამისა, თუ "ბლანკოსმა" ეს შეხვედრა მოიგო, ზედიზედ მე-15 გამარჯვება იქნება ჟოზე მოურინიოს გუნდისთვის.