კატალონიის "ბარსელონას" ნახევარმცველმა, სესკ ფაბრეგასმა განაცხადა, რომ მისმა გუნდმა ბერნაბეუს სახელობის სტადიონზე ძალიან ფრთხილად უნდა ითამაშოს, რადგან წინ უმძიმესი მატჩია ჩასატარებელი...

"ჩვენ საქმეს სერიოზულად ვეკიდებით და ვთვლით, რომ დედაქალაქში გამარჯვება შეგვიძლია, თუმცა ეს ყველაფერი უდიდეს სირთულეებთან იქნება დაკავშირებული, ვაცნობიერებ, რომ სანტიაგო ბერნაბეუზე "რეალს" უდიდესი მხარდაჭერა ექნება, ისინი ძალიან მოტივირებულად ითამაშებენ და 3 ქულის მოპოვებას შეეცდებიან."

"თუკი დავმარცხდებით, "ბლანკოსთან" ჭიდილი კიდევ უფრო გართულდება, რადგან ქულათა სხვაობა გაიზრდება. არ გვსურს წაგებაზე ფიქრი, ვთვლით, რომ გამარჯვება შეგვიძლია. ასეთ შემთხვევაში ჩვენ უდიდეს ნაბიჯს გადავდგამთ, რომელიც არამარტო სატურნირო თვალსაზრისით, არამედ ფსიქოლოგიურადაც დიდ მუხტს მოგვცემს."

"კლასიკომდე რამდენიმე დღეა დარჩენილი, იმედს გამოვთქვამ, ყველაფერი ისე ჩაივლის, როგორც მე და ჩემ თანაგუნდელებს გვსურს."