იკერ კასილასი კვლავ აგრძელებს რეკორდების დამყარებას, ესპანელი მეკარე სამეფო კლუბში უკვე დიდი ხანია ირიცხება. იკერის დებიუტის შემდეგ 13 წელიწადი გავიდა...

ამ ხნის მანძილზე უკვე ლეგენდარულმა მეკარემ 434 შეხვედრა ჩაატარა. აღსანიშნავია, რომ 434-იდან 433-ჯერ იგი სასტარტო შემადგენლობაში იყო.

ამ მაჩვენებლით იკერმა უკვე გააუმჯობესა ლეგენდარული მცველის, ფერნანდო იეროს შედეგი. ახლა იკერის წინ მხოლოდ სანჩისი და რაულ გონსალეს ბლანკო არიან. რაულის ანგარიშზე 499 მატჩია, იგი ყველა დროის რეკორდსმენია, მაგრამ ადვილად შეგვიძლია ვივარაუდოთ, რომ წელიწადნახევარში ყველაზე მეტი შეხვედრა სწორედ ამჟამინდელ კაპიტანს, იკერ კასილასს ექნება გამართული.