მოუმ ეს სიყვარული და ზიზღი მოწინააღმდეგის მხრიდან დაიმსახურა მაშინ, როცა კომენტარი გააკეთა პრესიადოს მიერ გუარდიოლას გუნდის წინააღმდეგ სარეზერვო შემადგენლობის დაყენებასთან დაკავშირებით. ერთადერთი, რაც მანუელმა თქვა იყო: ”ვინ არის ეს ვირი”? სიტუაცია ძალიან დაიძაბა ამ ორ მწვრთნელს შორის.

მაგრამ როგორც ნათქვამია, ფეხბურთი ორ დაპირისპირებულ და მოწინააღმდეგე მხარეს აერთიანებს. პირველი ნაბიჯი პრესიადომ გადადგა, როცა მანამ სანამ ”ბერნაბეუზე” ფეხს შედგამდა განაცხადა, რომ ”მოურინიო კარგი ბიჭია”. მაშინ ვინ იცოდა, რომ ის იქნებოდა პირველი მწვრთნელი ბოლო 9 წლის მანძილზე, ვინც მოუს გუნდს დაამარცხებდა მისსავე სტადიონზე. მიუხედავად მარცხისა, მოუსთვის ამას ხელი არ შეუშლია, რომ შესულიყო მოწინააღმდეგის გასახდელში და პირადად მიელოცა ყველასთვის ეს გამარჯვება, მათ შორის მწვრთნელისთვისაც. ამის შემდეგ, კანტაბრიაში დაბადებულმა მწვრთნელმა განაცხადა, რომ ”განსაკუთრებულმა” მას დაურეკა და მიუსამძიმრა მამამისის გარდაცვალება. ასე, რომ ნათლად ხედავთ, თუ რა ხდება, როცა სიყვარული და სიძულვილი ერთიანდება.

მიხუედავად ამ მეტად ახლო დამოკიდებულებისა ერთმანეთის მიმართ , ”ელ მოლინონ”-ზე ორივე გუნდი სხვადასხვა მიზნებით წარდგება. ხიხონელები ეცდებიან სატურნირო სიტუაცია გამოისწორონ, ხოლო მადრიდელები კი მორიგი სამი ქულის მოპოვებისთვის სხვადასხვა მიზეზთა გამო თავდაუზოგავად იბრძოლებენ. პირველი იმიტომ, რომ წინ ”ელ კლასიკოა” და 6 ქულიანი ჰანდიკაპის შენარჩუნება ბრწყინვალე საჩუქარი იქნება თამაშის წინ, ხოლო მეორე ეს მათი ზედიზედ მე-14 გამარჯვება იქნება.