სესია ტრადიციულად მოთელვითი ვარჯიშებით დაიწყო. ყოველივე ამას რუი ფარია მეთვალყურეობდა. შემდგომში ფეხბურთელები ორ გუნდად გაიყვნენ და ბურთთან ერთად ვარჯიშს დაუთმეს დრო. კარვალიო და არბელოა განცალკავებით გადიოდნენ სარეაბილიტაციო კურსებს, ხოლო ხაბი ალონსო მწვრთნელის გადაწყვეტილებით არ დასწრებია გუშინდელ სესიას. ასე რომ, მადრიდისტები მებრძოლი შემადგენლობით, ასტურიაში ზედიზედ 14-ე გამარჯვებისთვის გაემგზავრნენ.