15' "ატლეტიკოს" ფეხბურთელებმა "რეალის" საჯარიმოში შესანიშნავი კომბინაცია გაითამაშეს, რის შედეგადაც ადრიანი იკერ კასილასთან ერთი ერთზე დარჩა. სამწუხაროდ "ბლანკოსის" კაპიტანმა დარტყმა ვერ უგულებელყო და შესაბამისად ანგარიშიც გაიხსნა.

22' დი მარიას ბრწყინვალე გადაცემის შედეგად ბენზემა კურტუასთან პირისპირ დარჩა, ფრანგმა მოატყუა კიდეც მეკარე, თუმცა "ატლეტიკოს" კიპერმა მის წინააღმდეგ თამაშის წესები დაარღვია. შეხვედრის არბიტრმა პენალტი დანიშნა და კურტუაც გააძევა მოედნიდან. ტრადიციულად თერთმეტმეტრიანი რონალდომ შეასრულა და ასევე ტრადიციულად ზუსტად.

49' კრიშტიანო მეტოქის საჯარიმოში შესანიშნავად შეიჭრა, მან კარის გასწვრივ გამჭოლი გადაცემა გააკეთა. ბურთთან პირველი დი მარია გაჩნდა, რომელმაც უძლიერესი დარტყმით "რეალი" წინ გაიყვანა.

65' მოედანზე ორიოდე წუთის შემოსულმა პიპიტამ დიეგო გოდინის შეცდომით ისარგებლა, ბურთი მეტოქის საჯარიმოში მოიპოვა, მცველი და მეკარე მოატყუა და ცარიელ კარში გოლის გატანა აღარ გაჭირვებია.

82' კრიშტიანო რონალდომ იგუაინის კარგი გადაცემა გაუკეთა მეტოქის საჯარიმოში, თუმცა დიეგო გოდინმა პიპიტას წინააღმდეგ უხეშად ითამაშა, რის შედეგადაც პენალტიც დაინიშნა და ურუგვაელმაც წითელი ბარათი მიიღო. ბურთთან კვლავ რონალდო მივიდა და კვლავ გაიტანა.