"რეალ მადრიდ კასტილია" ხვალ მოირგ შეხვედრას გამართავს "სეგუნდა B" - ში. პირველი გუნდის მსგავსად, ტორილის შეგირდებიც "ატლეტიკოს" ასაკობრივ გუნდს დაუპირისპირდებიან. შეხვედრა "კასტილიასა" და "ატლეტიკო B"–ეს შორის ხვალ, ადგილობრივი დროით 17:00 საათზე დაიწყება.

"კასტილიას" წინ ძალიან მნიშვნელოვანი მატჩი ელის. ალფრედო ტორილის შეგირდები "დი სტეფანოზე" "ინდიანსების" მეორე გუნდს უმასპინძლებენ. ცხადია, ეს შეხვედრა ორივე გუნდისთვის მეტად საპასუხისმგებლოა, ვინაიდან მადრიდელებს ძალიან ესაჭიროებათ ქულები.

მე–14 ტურის შემდეგ, "თეთრები" ცხრილის პირველ პოზიციაზე იმყოფებიან, ხოლო "როხიბლანკოები" მე–7 ადგილს სჯერდებიან. "მერენგთა" ანგარიშზე 30 ქულაა, "ატლეტიკოს" კი მხოლოდ 21 მოპოვებული ქულა გააჩნია. აღსანიშნავია, რომ პირველი სამეულიდან, ყველა გუნდს აქვს ლიდერობის შანსი, რაც იმის მანიშნებელია, რომ ქულების დაკარგვა "კასტილიისთვის" წარმოუდგენელია.