"კასტილიას" ჯერ 27 გოლი აქვს გატანილი, საშუალოდ 2 გოლი მატჩში. აქედან 7 ხოსელუს ანგარიშზეა, შესაბამისად ახალგაზრდა თავდამსხმელი კლუბის ბომბარდირია. ალბერტო ტორილის შეგირდებთაგან 13-მა ფეხბურთელმა შეძლო თავის გამოჩენა მიმდინარე სეზონში. ესენი არიან: ხოსელუ, მორატა, ხესე, დენისი, ოსკარ პლანო, ომარი, მერჩანი, პაბლო გილი, ხუანფრანი, ნაჩო, ივან გონსალესი, კარვახალი და კასადო. შეგახსენებთ, რომ "კასტილია" "შეგუნდა ბ"-ს საკუთარი ჯგუფის ლიდერია.

ზემოთ ნახსენები სტატისტიკიდან გამომდინარეობს, რომ შემადგენლობის ფეხბურთელთა 62%-ს გააქვს გოლები, რაც უდავოდ შესანიშნავი შედეგია. ამ მხრივ მეორე ადგილზე "ატლეტიკო ბალეარეასი" იმყოფება, ხოლო მესამეზე "კასტილიის" მომავალი მეტოქე - "ატლეტიკო ბ".