ყველას კარგად მოგეხსენებათ, რომ არსენ ვენგერი უკვე დიდი ხანია ესტებან გრანეროს შეძენით ინტერესდება. ჯერ კიდევ ზაფხულის სატრანსფერო ფანჯრის დროს "მეთოფეთა" მთავარი მწვრთნელი ჟოზე მოურინიოსთან საერთო ენის გამონახვას ცდილობდა, მაგრამ მოლპარაკებები არ შედგა, პორტუგალიელმა სპეციალისტმა "ელ პირატი" საკუთარ შემადგენლობაში დაიტოვა და განაცხადა, რომ ესტაბანი სამეფო კლუბისთვის ბევრს ნიშნავს, მაგრამ სეზონის საწყის ეტაპზე ეს ნამდვილად არ მტკიცდება, ახალგაზრდა მოთამაშე მუდმივად სათადარიგოთა სკამზე ზის...

Daily Mail-ზე დაყრდნობით ფრანგი სპეციალისტი "არსენალის" მესვეურებს გაესაუბრა და ყველაფრის გაკეთება სთხოვა ტრანსფერის გასაჩარხად. იანვრის სატრანსფერო ფანჯრის გახსნისთანავე ლონდონელები მადრიდისკენ აიღებენ გეზს და მოლაპარაკებების წარმართვას ეცდებიან, ისინი მზად არის მოთამაშეს სანაცვლოდ 7 მილიონი ევრო გაიღონ, კონტრაქტის პირობები კი თავად გრანეროსთან შეათანხმონ.

თავად ფეხბურთელს ამ თემასთან დაკავშირებით კომენტარი არ გაუკეთებია.