"რეალ მადრიდ კასტილიის" ორმა ფეხბურთელმა ხესემ და ომარ მასკარელმა დერბიზე ისაუბრეს, სადაც "მერენგები" მადრიდის "ატლეტიკოს" ეთამაშებიან.

ხესე:"ჩვენი მიზანი მხოლოდ და მხოლოდ სამი ქულის მოპოვებაა. მიუხედავად იმისა, რომ გასვლაზე ვთამაშობთ, მაინც ფავორიტის სტატუსიც ვსარგებლობთ. ცხადია, ძალიან დაძაბული მატჩი იქნება და გამარჯვებაც გაგვიჭირდება, თუმცა "კასტილია" ყველაფრისთვის მზადაა".

"გუნდმა დაამარცხა ისეთი მეტოქე, როგორიცაა "ლუგო" და შესაბამისად ჩვენ ნებისმიერ გუნდთან შეგვიძლია გამარჯვების მოპოვება. რა თქმა უნდა, ლიდერობა საკმაოდ დიდ პასუხისმგებლობასთან ასოცირდება, რომლის შენარჩუნებასაც აუცილებლად შევეცდებით. ქულების დაკარგვა არ შეიძლება, ვინაიდან "ლუგოს" მოთამაშეებს მხოლოდ გოლების რაოდენობით ვუსწრებთ".

ამ ყველაფერზე ომარმაც ისაუბრა:"მოტივაცია ძალიან დიდია და დარწმუნებული ვარ საკმაოდ საინტერეო, დაძაბული და სანახაობრივი მატჩი შედგება. წინასწარ არაფრის თქმა არ შეიძლება, მაგრამ ნამდვილად ძლიერ მეტოქესთან მოგვიწევს შერკინება, რომელშიდაც იმედია გავიმარჯვებთ".

Realmadrid.com