ჟოზე ყველა ფეხბურთელს იყენებს
მადრიდის "რეალის" მთავარი მწვრთნელი, ჟოზე მოურინიო უკლებლივ ყველა ფეხბურთელს ენდობა და სკაუთარი ძალების დამტკიცების საშუალებას აძლევს...
ზაგრების დინამოსთან შეხვედრის დროს სამეფო კლუბის შემადგენლობა მკვეთრად იყო გადახალისებული, რამაც ბრწყინვალე შედეგი მოიტანა. პორტუგალიელმა სპეციალისტმა როტაციას მიმართა და თამაშის საშუალება ახალგაზრდა, შედარებით გამოუცდელ მოთამაშეებს მისცა, თითოეულმა მათგანმა გაცემული ავანსი გაამართლა და კლუბმა დამაჯერებლად იმარჯვა.
პრაქტიკულად მოურინიო ყველა მოთამაშეს ენდობა, იგი სეზონის მანძილზე არაერთხელ მიმართავს როტაციას. პორტუგალიელი სპეციალისტი შანსს ყველას აძლევს, დანარჩენი კი მოთამაშეებზეა დამოკიდებული. "გუნდში 23 მოთამაშე მყავს და მე ყველა მჭირდება, თამაშის შანსი ყველას მიეცემა" - ეს განცხადება ჟოზემ სეზონის სტარტზე გააკეთა.
ჩაბი ალონსო არის ის მოთამაშე, რომელმაც ამ სეზონში ყველაზე მეტი ითამაშა. ესპანელი ნახევარმცველის ანგარიშზე 1655 წუთია, დანარჩენ შეგირდთა სტატისტიკა იხილეთ სურათზე.
- 24 ნოემბერი 2011
- 2 277
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
