მადრიდის "რეალმა" გაინაღდა D ჯგუფის პირველობა. გუშინდელ მატჩამდე იყო თეორიული შანსი იმისა, რომ "სამეფო" კლუბს მეორე ადგილზე დაემთავრებინა ჯგუფური ეტაპი, თუმცა დღეს ამის არანაირი შანსი არ არსებობს.

ჟოზე მოურინიოს გუნდს 100%–იანი შედეგი აქვს ლიგაზე. მათ ხუთი შეხვედრიდან, ხუთივე მოიგეს და ამით D ჯგუფის პირველობა გაინაღდეს. აღსანიშნავია, რომ მადრიდის "რეალი" უკანასკნელ მდევარს 7 ქულით უსწრებს (აიაქსი), ხოლო მესამე ადგილოსან "ლიონს" 9 ქულით აღემატება. მადრიდელთა ანგარიშზე 15 ქულა, 16 გატანილი გოლი და 2 გაშვებული ბურთია, რაც უდაოდ კარგი შედეგია.

ჯერჯერობით ლიგაზე სხვა არცერთ კლუბს არ აქვს ასეთი შედეგი. ზემოდ ხსენებული ჯგუფის გარდა, ყველა ოთხეულში მიმდინარეობს პირველი–მეორე ადგილისთვის ბრძოლა. აღსანიშნავია, რომ "მერენგები" ძალიან ბევრ გოლს იტანენ. "თეთრები" სავარაუდოდ ყოველ მატჩში 3,3 გოლს აგდებენ. ამ მხრივაც ესპანელები პირველები არიან, თუმცა დღეს გაიმართება ჩემპიონთა ლიგის მე–5 ტურის დარჩენილი მატჩები.

Marca.com