მოგებული მატჩის შემდეგ, კალეხონმა კომენტარი გააკეთა და ყველა "მადრიდისტას" მიულოცა ეს ბრწყინვალე გამარჯვება.

"ყველა "მადრიდისტიას" ვულოცავ ამ გამარჯვებას. ჩვენ ვითამაშეთ ისე, როგორც ამას გულშემატკივარი მოელოდა. მოხარული ვარ, რომ ორი გოლის გატანა შევძელი, ეს ჩემთვის ძალიან მნიშვნელოვანი იყო. "რეალმა" უნდა გააგრძელოს ამგვარად ასპარეზობა და შედეგიც უდიდესი იქნება".

"ჟოზე მოურინიო ჩემგან ყოველდღიურად მეტს ითხოვს, რაც დამატებით სტიმულს მაძლევს. "დინამოსთან" შეხვედრისთვის ძალიან კარგად მოვემზადე, რამაც ხელი შემიწყო დადებითად ასპარეზობაში. საბოლოო ჯამში, ჩემი თავით კმაყოფილი ვარ, თუმცა მიღწეულით არასდროს არ დავკმაყოფილდები. ვიმედოვნებ, რომ კვლავ გავაგრძელებ წარმატებულად თამაშს".

აქვე გეტყვით, რომ კალეხონმა დღევანდელ მატჩში დუბლი გაიფორმა, რაც მისთვის პირველია მადრიდულ კარიერაში. შეგახსენებთ, რომ ზემოთ ხსენებულის გარდა გოლები გაიტანეს მესუთ იოზილმა, ქარიმ ბენზემამ (2) და გონსალო იგუაინმა (1).

Realmadrid.com