„მადრიდის რეალის“ მთავარმა მწვრთნელმა გამართა პრეს–კონეფერცია, სადაც კიდევ ერთხელ დაადასტურა ის ფაქტი, რომ კრიშტიანო რონალდუ დღევანდელ თამაშში დააკლდება კლუბს , მაგრამ მისი თქმით, კლუბში ბევრი ფებხურთელია, რომლებსაც თავისუფლად შეუძლიათ მისი შეცვლა , ასე რომ შიშის საფუძველი არაა.

როგორაა კრიშტიანო რონალდუ?

ის თავისთვის ცალკე ვარჯიშობდა, მაგრამ მან ვერ შეძლო სრულად გამოჯამრთელება დღევანდელი თამაშისთვის, ამიტომაც იგი დღეს ვერ დაეხმარება კლუბს.

ისეთი რა სახის სამუშაოები გასწიეთ კლუბში, რომ ლა ლიგის პირველი ხუთი ტურის მიხედვით, თვენ კლუბს ბოლო წლებში ყველაზე ნაკლები გაშვებული გოლი დაუგროვდა?

კლუბში მოსვლის დღიდან ვცდილობთ დავნერგოთ ისეთი თამაშის სტილი, რომელიც მოგვცემდა საშუალებას თანაბარი სიძლიერით გვემოქმედა დაცვაში და თავდასხმაში, ანუ ჩვენ კართან რაც შეიძლება ცოტა სახიფათო მომენტი უნდა შექმნილიყო, ხოლო თავდახმის ხაზი კი ამავდროულად სერიოზულად სახიფათო უნდა გამხდარიყო
თითოეული მეტოქისთვის. ჩემი აზრით, ნელ–ნელა სრულყოფილებაში მოგვყავს ეს თამაშის სტილი და სწორედ ამიტომაცაა, რომ ყველა თამაში მოვიგეთ და რაც მთავარია, ნაკლები გოლი გავუშვით. შეიძლება ბევრი ჯერ კიდევ სასწავლი და დასახვეწი გვაქვს, მაგრამ როგორც ყოველთვის ვამბობდი, ამ ეტაპზე მე კმაყოფილი ვარ ჩემი კლუბის მუშაობით და თამაშით. სეზონი ძალიან კარგად დავიწყეთ.

კასილასმა „ტენერიფესა“ და „მარსელთან“ თამაშისას მნიშვნელოვანი როლი შეასრულამ ნუთუ ესაა თქვენი დაცვაში კარგი თამაში?

„მარსელთან“ თამაშის პირველ ნახევარში კასილასმა პირისპირ გასულ ფებხურთელებს აუღო ბურთებ, ხოლო მეორე ნახევარში კი ძირითადად საშუალო დისტანციებიდან ურტყამდნენ მისი კარის მიმართულებით. მე მიმაჩნია, რომ ეს ძალიან ბევრი არაა, მითუმეტეს ჩემპიონთა ლიგისთვის და ისეთი კლუბის წინააღმდეგ თამაშისას, როგორიც „მარსელის ოლიმპიკია“.

რონალდუს არ თამაში მარტო მედიკოსების რჩევაა , თუ ამაზე იმ ფაქტმაც იმოქმედა გავლენა, რომ „სევილიასთან“ მას გაუჭირდებოდა თამაში?

ერთადერთი პრობლემა რონალდუს ტრავმაა. ის ცდილობდა ეთამაშა გუშინ და გუშინწინ, მაგრამ ყველანი სამედიცინო შტაბის ჩათვლით დარწმუნებულნი არიან, რომ ის სათამაშოდ მზად არაა.

არ გაღელვებთ ის ფაქტი, რომ მისი არ ყოფნა აისახება კლუბზე?

თითოეული ფებხურთელი მნშვნელოვანია, მაგრამ ჩვენ სხვა ფებხურთელებიც გვყავს და შესაბამისად არჩევანიც ბევრია.

როდის გვიჩვენებს „მადრიდის რეალი“ საუკეთესო თამაშს?

კლუბი ყველა ღონეს ხმარობს და შედეგები ამის ნათელი დადასტურებაა, მაგრამ მიუხედავად ამისა, ჩვენ ვაგრძელებთ პროგრესირებას. ჩვენ არ შეგვიძლია იმ თამაშის სტილის ჩვენება, რომელიც არ ჯდება ჩვენი ფებხურთელების ხასიათში.

„რეალის“ წინააღმდეგ „სევილია“ ყოველთვის აგრესიულად თამაშობს, რამდენად კარგად იმოქმედებს ეს თქვენ კლუბზე?

ჩვენ გვიწევს ვითამაშოთ ძალიან ძნელი მოწინააღმდეგის წინააღმდე, რომელიც ეხლა საუკეთესო ფორმაში იმყოფება. ისინი ხანდახან კონტრშეტევებზეც თამაშობენ, ასე რომ არ ვიცით რა სტილის თამაშს შემოგვთავაზებენ, რაც მთავარია, ჩვენ პირველივე წუთებიდან უნდა ვიყოთ დარწმუნებული, რომ შეგვიძლია ამ შეხვედრის მოგება.

ლა ლიგა არის ბრძოლა „მადრიდის რეალსა“ და „ბარსელონას“ შორის, რომლებსაც უკან „სევილია“ მისდევს, შესაბამისად ამ კლუბებს შორის თამაში მოგვცემს სრულ სურათს. რას ფიქრობთ ამასთან დაკავშირებით?

არ გეთანხმებით, ვინაიდან არ მჯერა წინასწარმეტყველების. „სევილია“ რამდენიმე ქულით უკანაა, მაგრამ არ შეგვიძლია ჩამოვწეროთ „ატლეტიკო“, „ვალენსია“ და „ვილიარეალი“. წინ ბევრი თამაშია სათამაშო და შესაბამისად კლუბები ხან ზევით აიწევენ ხან კიდე ჩამოქვეითდებიან. ეხლა რამე დასკვნების გამოტანა უდიდეს სისულელედ მიმაჩნია.

წყარო: Realmadrid.com