"რეალის" საკალთბურთო გუნდის თავკაცმა პაბლო ლასომ განაცხადა, რომ ბელგაკომის "სპირუ" გაცილებით ძლიერია, ვიდრე ეს წინათ იყო.

"ჩვენ უნდა მოვემზადოთ ძალიან კარგად, ვინაიდან წინ გველის უდაოდ ძლიერ მეტოქესთან მატჩი, რომელიც საკმაოდ სტაბილური და დამაჯერებელია. ბელგაკომელებმა ბოლო თამაშებში აშკარად უმატეს და შესაბამისად მოდუნების საშუალებას ისინი არ მოგვცემენ. ცხადია, მოედანზე მხოლოდ გამარჯვებისთვის გავალთ, მაგრამ არამგონია ეს ადვილი იყოს".

"მეტოქე ნებისმიერ პარამეტრში სახიფათოა, განსაკუთრებით კი თავდასხმაში და ნახევარდაცვაში. "სპირუს" მოთამაშეებს უყვართ ბურთის კონტროლი, რაშიც მათ ხელი უნდა შევუშალოთ. მათ მსგავსად, ჩვენც არ ვიმყოფებით ურიგო ფორმაში. კარგია, რომ სტაბილურობას ვინარჩუნებთ, თუმცა ჯერ არაფრისთვის მიგვიღწევია და ნაადრევია წინასწარ საუბარი ამა თუ იმ ტიტულზე".

"რუდი ფერნანდესი და ქეროლი შესანიშნავ მდგომარეობაში არიან. მათზე ძალიან ბევრი რამაა დამოკიდებული, რაშიც ყველა დამეთანხმება. იბაკამ კი ბოლო მატჩებში დიდი პროგრესი განიცადა, რაც მის თამაშზეც აისახება. ვგონებ, რომ მისი მისამართით კრიტიკა უსაფუძვლოა".

აქვე გეტყვით, რომ მადრიდის "რეალის" საკალათბურთო გუნდი, ევროლიგაზე ბელგაკომის "სპირუს" დაუპირისპირდება . შეხვედრა 24 ნოემბერს, ადგილობრივი დროით 19:00 წუთზე დაიწყება.