აღსანიშნავია, რომ სეგუნდა ბ-ს მე-15 ტურში, პრიმერა დივიზიონის მსგავსად, მადრიდული დერბი შედგება.ესპანური ფეხბურთის მესვეურებმა, სპეციალურად დაამთხვიეს მადრიდული დაპირისპირებები ერთ უიქენდზე.

"ატლეტიკო ბ"-ს მთავარმა მწვრთნელმა, მილინტო პანკიჩმა, წინადადებით მიმართა კლუბის ხელმძღვანელებს, კასტილიელებთან მატჩის "ვისენტე კალდერონზე" გამართვისა.ჯერჯერობით უცნობია, რამდენად დააკმაყოფილებენ ახალგაზრდა "წითელ-თეთრების" დამრიგებლის თხოვნას, მაგრამ ფაქტია, რომ ატლეტიკოელები საკმაოდ სერიოზულად უდგებიან თანაქალაქელებთან თამაშს.

ცნობისთვის, "ატლეტიკო ბ" 8 ტურია წაუგებლად ასპარეზობს სეგუნდა ბ-ში, ხოლო "კასტილია" გათამაშების ლიდერია და ამის შესანარჩუნებლად, მხოლოდ გამარჯვება მართებთ.

მოკლედ, მომავალი უქმეები საკმაოდ საინტერესო იქნება.იმედია, როგორც პირველი, ასევე ახალგაზრდა მადრიდისტები, კიდევ ერთხელ დაამტკიცებენ თუ ვინ არის ძლიერი მადრიდში.