პორტუგალიელი სპეციალისტის განკარგულებაში 21 ფეხბურთელი გახლდათ. მოთამაშეებმა, რომლებმაც "ვალენსიასთან" მატჩში მიიღეს მონაწილეობა, შედარებით მსუბუქად ივარჯიშეს. მათ რუი ფარია ადევნებდა თვალყურს. ანხელ დი მარიამ გუნდთან სრული დატვირთვით ივარჯიშა და სავარაუდოდ "ატლეტიკოსთან" სრულ მზადყოფნაში იქნება. ტრადიციისამებრ, მეკარეებს სილვინო ლოურო ამზადებდა. რაც შეეხება მარსელოს, კაკასა და არბელოას, ისინი სარეაბილიტაციო კურსებს გადიოდნენ.