"ვალენსიასთან" მატჩის შემდგომ ხოსე მარია კალეხონი მადრიდში გუნდთან ერთად არ დაბრუნებულა. იგი "მესტალიიდან" საკუთარი მანქანით მშობლიურ ქალაქ, მოტრილში წავიდა, საიდანაც დილის 6 საათზე დაბრუნდა ისევ ვალენსიაში, თუმცა მას აეროპორტში პრობლემები შეექმნა, რის გამოც დაგვიანებით მოუწია მადრიდში გამომგზავრება. მიუხედავად ამისა, ხოსე მარიამ მხოლოდ 15 წუთით დააგვიანა დილის ვარჯიშზე. ამის გამო მან თანაგუნდელებისგან აპლოდისმენტები, ხოლო მწვრთნელისგან შექება დაიმსახურა.