"ვალენსიის" თავდამსხმელმა და გუშინდელ მატჩში ორი გოლის ავტორმა, რობერტო სოლდადომ განაცხადა, რომ მისი გუნდი არ იმსახურებდა დამარცხებას.

"მადრიდელებმა პირველ ტაიმში აშკარად დაგვჯაბნეს და შედეგიც შესაბამისი მიიღეს, თუმცა მეორე ნახევარში სულ სხვა შემართებით გამოვედით მინდორზე. შეხვედრა ძალიან ემოციური იყო, რაც გასაკვირი არ უნდა იყოს".

"მიმაჩნია, რომ ტეხეირა ვიტიენესმა არასწორი გადაწყვეტილება მიიღო, როდესაც მან არ დანიშნა აშკარა თერთმეტ მეტრიანი. გონსალო იგუაინმა გუნდი გაშვებულ გოლს გადაარჩინა, თუმცა მან მეკარის ფუქნციები შეასრულა, რაც წესით უნდა ისჯებოდეს. ლაპარაკს აზრი არ ავქვს, ვინაიდან ის მატჩი უკვე წარსულ ჩაბარდა, მაგრამ მსაჯის საქციელის გასაჩივრება, უსაფუძვლო ნამდვილად არ იქნება".

"თამაშიდან გამომდინარე, ჩვენ შეგვეძლო უკეთესი შედეგის მიღება. ალბათ ყველა დამეთანხმება, რომ მატჩის ბოლო წუთებში, ჟოზე მოურიონს გუნდი გადაურჩა ქულების დაკარგვას. წაგებას არ ვიმსახურებდით, თუმცა ფეხბურთში ყველაფერი ხდება და ეს მტკივნეული მარცხი, მალე უნდა დავივიწყოთ".


Realmadrid.com