ღონისძიება ვიდეოს ჩვენებით დააიწყო, რომელშიც მადრიდის "რეალის" საუკეთესო მომენტები იყო ასახული. აღნიშნული ჩვენება "კოპა დელ რეის" ფინალის სურათებით დასრულდა. შემდეგი ვიდეო უშუალოდ "ბლანკოსის" ფეხბურთელებსა და ჟოზე მოურინიოს შეეხებოდა. ღონისძიებას ფოლრენტინო პერესი დაესწრო, მას მასპინძლობა ედუარდო ფერნენდეს დე ბლასმა გაუწია, რომელსაც საკმაოდ ემოციური გამოსვლა ჰქონდა ტრიბუნასთან.

ედუარდო ფერნანდეს დე ბლასი: "ძვირფასო მეგობრებო, მინდა მადლობა გადაგიხადოთ აქ მობრძანებისთვის. თქვენ ამ კლუბის განუყოფელი ნაწილი ხართ. ჩვენ ერთად ავიხდენთ ოცნებებს, გავიზიარებთ ემოციებს, განცდებსა და წარმატებებს. ერთობა ტიტულების მოპოვების საწინდარია. კიდევ ერთხელ მადლობა თქვენ ამ სიყვარულისთვის. ჰალა მადრიდ!!!"