როგორც იცით, კრიშტიანუ რონალდუმ ტრავმა მიიღო ეროვნულ ნაკრებში თამაშის დროს. დღეს პორტუგალიელმა ამ ყველაფერზე ისაუბრა და განაცხადა, რომ მისი ტრავმა უმნიშვნელოა.

"ბოსნიასთან დაპირისპირებაში მცირე ტრავმა მივიღე, თუმცა ეს დაზიანება უმნიშვნელოა. ამ დროისთვის არანაირ ტკივილებს არ ვგრძნობ. მივიჩნევ, რომ მზად ვარ "მესტალიაზე" სათამაშოთ. "ვალნესიასთან" შეხვედრა მეტად პრინციპული და მნიშვნელოვანია, რაშიც ორი აზრი არ არსებობს".

"ანგალუსიაში გამარჯვების მოპოვება გაგვიჭირდება, ვინაიდან ისინი საკმაოდ კარგად დომინირებენ მინდორზე. ჩვენი რეალური ძალა გაცილებით დიდია და ამ ძალის გამოყენებას მაქსიმალურად შევეცდებით, თუმცა აღსანიშნავია უნაი ემერის შეგირდების სტაბილური და შედეგიანი ასპარეზობა. "ღამურები" წელს გაცილებით უფრო კარგად ატარებენ შეხვედრებს, ვიდრე ეს წინა სეზონში იყო".

აქვე გეტყვით, რომ მადრიდის "რეალი" ცხრილის ერთპიროვნული ლიდერია 28 ქულით, ხოლო "ვალენსია" მესამე ადგილზე იმყოფება, რომელიც 1 ქულით ჩამორჩება კატალონიურ "ბარსელონას". დაგეგმილი შეხვედრა, ხვალ ადგილობრივი დროით 22:00 საათზე გაიმართება.

Goal.com