რელანო : "დი მარიას ტრავმა "რეალს" პრობლემებს შეუქმნის"
ესპანელმა საფეხბურთო ექსპერტმა ალფრედო რელანომ მადრიდის "რეალსა" და ანხელ დი მარიას ტრავმაზე ისაუბრა, რომელიც მეტად სერიოზულია. დონ ალფრედოს თქმით არგენტინელი შემტევის დაზიანება სამეფო კლუბის წინა ხაზს მნიშვნელოვნად დაასუსტებს...
"ანხელი შესანიშნავი ფეხბურთელია და იგი მადრიდის "რეალში" კიდევ უფრო დაიხვეწა, მისი ასაკის მოთამაშეები ასეთ მაღალ კლასს ვერ აჩვენებენ. მიუხედავად იმისა, რომ მას უდიდესი ფსიქოლოგირუი წნეხის ქვეშ უწევს მოედანზე გასვლა, მაინც ძალიან ბევრ რამეს აკეთებს."
"ყველა კარგად ხედავდა არგენტინელის პროგრესს ბოლო შეხვედრებში, დი მარიას ბრწყინვალე ტექნიკა აქვს, რომელიც მისი მთავარი კოზირია, ასევე კარგად ხედავს მოედანს და უმნიშვნელოვანეს პასებს არიგებს."
"არგენტინელის დაზიანებით სამეფო კლუბის მთავარი მწვრთნელი პრობლემებს გადააწყდა, მას არ ჰყავს დი მარიას შემცვლელი, რადგან ანხელი მადრიდში ერთ-ერთი საუკეთესოა."
"ვფიქრობ, მოურინიომ ტაქტიკა უნდა გადააწყოს და შანსი ბენზემა-იგუაინის წყვილს მისცეს, ორივე მოთამაშე კარგად გამოიყურება და არ იქნება ურიგო მათი ერთად ხილვა. ვალენსიასთან შეხვედრაში 2 ფორვარდით გასვლა სარისკოა, მაგრამ ეს მადრიდის "რეალია", რომელიც მუდმივად შეტევაზეა ორიენტირებული."
- 18 ნოემბერი 2011
- 2 388
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
