ამ სეზონში უკვე ბევრი სტატისტიკა ქვეყნდება, რომლებიც ცხადია, "რეალის" სიძლიერეზე მეტყველებს. ამჯერად ესპანელმა სტატისტიკოსებმა საკმაოდ საინტერესო რამ გამოიკვლიეს. როგორც იცით, ჟოზე მოურინიო უკვე მეორე სეზონია "ბლანკოსს" წვრთნის და თურმე, როცა მისი შეგირდები სანაკრებო ბატალიებიდან ბრუნდებიან, პირველივე შეხვედრას იგებენ "ლა ლიგაში". სულ ასეთი 7 შეხვედრა ჩატარდა და "მერენგებმა" 100%-იანი შედეგი აჩვენეს.

ამ მხრივ "რეალი" საუკეთესოა "ლა ლიგაში". რაც არ უნდა გასაკვირი იყოს, "ლევანტე" ამ მხრივ მეორე ადგილს იკავებს, მას კი "ბარსელონა", "ატლეტიკო", "ვალენსია" და "ესპანიოლი" მოყვებიან.