ორდღიანი შესვენების შემდეგ ჟოზე მოურინიომ თავისი შეგირდები ვალდებასაზე ავარჯიშა. ცხადია, მზადებას სანაკრებო ბატალიებზე მყოფი ფეხბურთელები არ ესწრებოდნენ. პირველი გუნდიდან პორტუგალიელი სპეციალისტის განკარგულებაში შაჰინი, კალეხონი, გრანერო და ლასი გახლდათ. რაც შეეხება დი მარიას, კარვალიოს, მარსელოსა და კაკას, ისინი განცალკავებით ვარჯიშობდნენ. სავარაუდოდ ბრაზილიელები უახლოეს დღეებში უშუალოდ გუნდთან ერთადაც გამართავენ ვარჯიშს. ჟოზე მოურინიომ რამდენიმე კანტერანოც გამოიძახა. ჩვეულებრისამებრ მეკარეებს სილვინო ლოურო ავარჯიშებდა.