ტრადიციისამებრ, მიმდინარე საფეხბურთო სეზონის ბოლოსაც, იგეგმება მატჩების ჩატარება, რომელშიც მონაწილეობას "რეალის" ვეტერანი და ლეგენდალური ფეხბურთელები მიიღებენ.

"ას"-ის ინფორმაციით, შესაძლებელია, რომ დიდებული "გალაქტიკოსის" ერა ორი მატჩით დაბრუნდეს "ბერნაბეუზე."კონკრეტულად, სამეფო კლუბის რიგებში კვლავ გამოჩნდებიან, ფიგუ, ზიდანი, ბექემი და რონალდო.პირველმა ორმა, მზადყოფნა უკვე გამოთქვა სათამაშოდ, ხოლო რაც შეეხება რონალდოს, მისგან არაფერი ისმის.ასევე, კითხვის ნიშნის ქვეშ დგება ინგლისელის ასპარეზობა, რამეთუ მას ჯერ არ დაუსრულებია საფეხბურთო კარიერია.მოკლედ, პოტენციურად არსებობს იმის შანსი, რომ გენიალური "ოთხეული" კვლავ საქმეში ვიხილოთ.

გუნდები
ამავე გამოცემის თანახმად, წლეულს, "სანტიაგო ბერნაბეუს" "მანჩესტერ იუნაიტედის" ვეტერანები ეწვევიან, სადაც კანტონას, ნევილისა და სქოულზის გამოჩენაა მოსალოდნელი.
შეგახსენებთ, რომ გასულ სეზონში, "რეალის" ვეტერანებმა ჯერ მილანელები მიიღეს და 4-3 დაამარცხეს, ხოლო შემდეგ ბავარიელებს უმასპინძლეს და 8-3 გადაუარეს.